Սեպտեմբեր 28, 2007
A- A+
read

Փասադենայի ՀԲԸՄ սկաուտների նվերները Գյումրիի “Հույս” մանկատանը

  • A YP Yerevan member brings cheer, clothing, and toys to chil
    A YP Yerevan member brings cheer, clothing, and toys to children at the Huys Orphanage in Gyumri, Armenia.
  • Children at the Huys Orphanage in Gyumri, Armenia are gratef
    Children at the Huys Orphanage in Gyumri, Armenia are grateful for their gifts from the AGBU Scouts in Pasadena, CA which were delivered by members of YP Yerevan.
  • A view of the 10th Anniversary concert at Gyumri Art Academy
    A view of the 10th Anniversary concert at Gyumri Art Academy.

Հայկական բարեգործական ընդհանուր միության (ՀԲԸՄ) Հայաստանի ներկայացուցչությունը ՀԲԸՄ Փասադենայի, Կալիֆոռնիայի երիտասարդ սկաուտներից Գյումրիի ՙՀույս՚ մանկատան համար նվիրատվություն ստացավ:Նվերներով լի 8 մեծ արկղերը պարունակում էին հագուստ` ձմեռային գլխարկներ, ձեռնոցներ եւ շարֆեր, ինչպես նաեւ խաղալիքներ ու գրենական պիտույքներ: Հունիսի 8-ին ՀԲԸՄ Երիտասարդ արհեստավարժների երեւանյան խմբի անդամները ՀԲԸՄ Հայաստանի գրասենյակի աջակցությամբ այցելեցին Գյումրի եւ ՀԲԸՄ սկաուտների նվերները փոխանցեցին մանկատանը: ՙՀույս՚ մանկատանն ապրում են 4-18 տարեկան 76 երեխաներ, որոնցից յուրաքանչյուրի համար նվերների առանձին փաթեթներ էր պատրաստել նաեւ ՀԲԸՄ Հայաստանի ներկայացուցչության աշխատակազմը: Նվերները հավասարապես բաժանվեցին բոլոր երեխաներին: Երեխաներից յուրաքանչյուրը ստացավ նվերների իր փաթեթը, որը համապատասխանում էր իր տարիքին: Փոքրիկներն անսահման երջանիկ էին եւ ուրախ նվերների համար, որոնք ստանալուց անմիջապես հետո բաց արեցին. սկսեցին խաղալ իրենց նոր խաղալիքներով, խզբզել գրիչներով, նկարել գունավոր մատիտներով: Երեխաներն անմիջապես սկսեցին կրել նաեւ իրենց նոր զգեստները: Երջանիկ մթնոլորտն իշխում էր ողջ մանկատանը: Նվիրատվության մեջ մտնում էր նաեւ 17-18 տարեկան պատանիների համար նախատեսված հագուստ, որը փոխանցեցին այդ տարիքային խմբի ներկայացուցիչներին: Ի դեպ, 18-ամյա երկու աղջիկներ վերջերս ամուսնացել էին եւ տեղափոխվել մանկատնից: Այդուհանդերձ, պատանիների մյուս մասը դեռեւս այնտեղ էր, եւ իսկապես հաճելի էր տեսնել նրանց տպավորությունները, որ կիսում էին միմյանց հետ: Մանկատնից դուրս գալիս ՀԲԸՄ Երիտասարդ արհեստավարժների երեւանյան խմբի անդամները հանդիպեցին մի քանի երեխաների, ովքեր Գյումրիի վարժարանի դասերից վերադառնում էին իրենց հանգրվանը` ՙՀույս՚ մանկատուն:

Please note that archived content may appear distorted as it has been stripped of formatting and original images.

What's New > Նորությունների արխիվ > Press Release