Portrait of a Prodigy
How Tigran Tsitoghdzyan became a global art sensation on his own terms
Նկար
Նոյեմբեր 07, 2024
ՀԲԸՄ-ն հայտարարում է Կենտրոնական վարչության, Հոգաբարձուների խորհրդի և գործադիր աշխատակազմի ընտրության արդյունքները
-
Նկար
ՀԲԸՄ Կենտրոնական վարչությունը և Հոգաբարձուների խորհուրդը (նկարում չկան Վաչե Մանուկյանը և Էլի Աքիլյանը)
ՀԲԸՄ Կենտրոնական վարչության 2024 թվականի հոկտեմբերի 13-ի հանդիպումից հետո ՀԲԸՄ-ի նորընտիր գործադիր անդամներն են՝ նախագահ Սեմ Սիմոնյանը, փոխնախագահներ Արդա Հարաթունյանը և Երվանդ Զորյանը, ատենադպիր Անի Մանուկյանը և գանձապահ Նազարեթ Ֆեստեկջյանը։
2024 թ.-ի հոկտեմբերի 12-ին կայացած Ընդհանուր ժողովի ժամանակ Պերճ Սեդրակյանին շնորհվեց Պատվավոր նախագահի կոչում։ Նա այժմ իր գործունեությունը կշարունակի Հոգաբարձուների խորհրդում՝ նախկին փոխնախագահ Ժոզեֆ Ուղուրլյանի և նորանշանակ անդամ Էլի Աքիլյանի հետ միասին։ Աքիլյանը «Kingsisle Entertainment»-ի հիմնադիրն է և «Inet Technologies Inc.»-ի համահիմնադիրը, որտեղ 1999թ.-ի ապրիլից մինչև 2004թ. սեպտեմբերը պաշտոնավարել է որպես նախագահ և գլխավոր գործադիր տնօրեն: Նա Առլինգտոնում Տեխասի համալսարանի էլեկտրատեխնիկայի բակալավրի աստիճան ունի։ Սեմ Սիմոնյանը կծառայի որպես Խորհրդի ի պաշտոնե անդամ։
Նկար
Caption
ՀԲԸՄ հոգաբարձուների խորհրդի նորընտիր անդամ Էլի Աքիլյանը
Խորհրդի անդամներ Էրիկ Իսրայելյանը (ԱՄՆ), Նազարեթ Ֆեստեկջյանը (ԱՄՆ), Վահե Գաբրաշը (Շվեյցարիա), Նադյա Գործունյանը (Ֆրանսիա), Արդա Հարաթունյանը (ԱՄՆ), Եղիշե Մանուկյանը (ԱՄՆ), Լևոն Նազարյանը (ԱՄՆ), Երվանդ Զորյանը (ԱՄՆ) և Վազգեն Յակուբյանը (Հայաստան) վերընտրվել են՝ շարունակելու իրենց գործունեությունը առաջիկա չորս տարիների ընթացքում։
Համաձայն ՀԲԸՄ կանոնադրության՝ ՀԲԸՄ Կենտրոնական վարչության անդամների մեկ երրորդը պետք է ԱՄՆ-ի բնակիչ չլինի։ Վարչության ներկայիս անդամներն են՝ ԱՄՆ-ից Հայկ Արիյանը, Երվանդ Դեմիրճյանը, Էրիկ Իսրայելյանը, Նազարեթ Ֆեստեկջյանը, Արդա Հարաթունյանը, Սարգիս Ջեբեջյանը, Արի Լիբարիկյանը, Անի Մանուկյանը, Եղիշե Մանուկյանը, Լորի Մունչերյանը, Լևոն Նազարյանը, Սեմ Սիմոնյանը և Երվանդ Զորյանը, Հայաստանից՝ Վազգեն Յակուբյանը, Կանադայից՝ Լենա Սարգիսյանը, Եվրոպայից՝ Նադյա Գործունյանը (Ֆրանսիա), Վահե Գաբրաշը և Վարդգես Քնաջյանը (Շվեյցարիա), Առնո Ադամյանը և Կամիլիո Ազզուզը (Մեծ Բրիտանիա):
ՀԲԸՄ Հոգաբարձուների խորհրդի կազմում են՝ Խորհրդի նախագահ Վաչե Մանուկյանը և անդամներ Էլի Աքիլյանը, Էրիկ Իսրայելյանը, Ժոզեֆ Ուղուրլյանը, Արմեն Սարգսյանը, Պերճ Սեդրակյանը և Սինան Սինանյանը։
Լրացուցիչ տեղեկությունների և Խորհրդի անդամների կենսագրական մանրամասների համար այցելել https://agbu.org/leadership
Հայկական բարեգործական ընդհանուր միությունը (ՀԲԸՄ) աշխարհի խոշորագույն, շահույթ չհետապնդող համահայկական կազմակերպությունն է, որն իր կրթական, մշակութային, մարդասիրական ու սոցիալ-տնտեսական զարգացման ծրագրերի միջոցով պահպանում և զարգացնում է հայկական ինքնությունն ու ժառանգությունը: Այսօր ՀԲԸՄ-ն գործունեություն է ծավալում աշխարհի 40 երկրների ավելի քան 70 քաղաքներում: Յուրաքանչյուր տարի ՀԲԸՄ-ն նպաստում է Հայաստանում և սփյուռքում բնակվող շուրջ 500,000 հայերի կյանքի որակի բարելավմանը: 1906 թվականից ի վեր՝ ՀԲԸՄ-ն հավատարիմ է իր՝ համայն հայության բարգավաճմանն ու բարօրությանն ուղղված առաքելությանը: ՀԲԸՄ-ի և վերջինիս կողմից ողջ աշխարհում իրականացվող ծրագրերի մասին հավելյալ տեղեկատվություն կարող եք գտնել www.agbu.org կայքէջում: ՀԲԸՄ Հայաստանի մասին հավելյալ տեղեկատվության համար այցելե՛ք www.agbu.am կայքէջ:
Լրատվական հարցումների համար դիմել՝
ՀԲԸՄ մամուլի գրասենյակ
55 East 59-րդ փողոց
Նյու Յորք, NY 10022-1112
Հեռախոս՝ 212.319.6383
Էլ. փոստ՝ communications@agbu.org
