Հայաստանի Հանրապետությունում սոցիալ-տնտեսական առաջընթացի հիմնաքարն առաջին հերթին մեր հավաքական ինքնության կենդանի դրսևորման ապահովումն է մի երկրի սահմաններում, որը միաժամանակ ինքնիշխան ազգային պետություն է և մեր նախնիների հայրենիքը: ՀԲԸՄ-ն աշխատում է հզորացնել երկիրը՝ վերելքի ուղին հարթող ենթակառուցվածքների և ռեսուրսների ապահովմամբ: Ազգակերտման այս ռազմավարությունները կարևոր նշանակություն ունեն երկարաժամկետ ազգային կենսունակության ու տնտեսական աճի խթանման համար: Ամենախոցելիներին ապահովություն ներշնչող մեր ցանցերով, աշխատանք փնտրողներին և հավակնոտ ձեռներեցներին տրմադրվող մեր միջոցներով ու կամուրջներով հիմնական արդյունաբերությունները կապում ենք համաշխարհային շուկաների հետ: Հայաստանին սատարելու կոչված ՀԲԸՄ-ի հանձնառություններն արտացոլված են լավ մշակված ռազմավարական ծրագրերում, որոնք ուղղված են կայուն տնտեսական աճի ու կայունության ապահովմանը։
ՀԲԸՄ-ի՝ Հայաստանի խոցելի քաղաքացիներին աջակցող բազմաթիվ ծրագրերից են ՀԲԸՄ երեք տարեցների ճաշարանները, որոնք ամենօրյա սնունդ են ապահովում ցածր եկամուտ ունեցող թոշակառուներին, ՀԲԸՄ հինգ Հայ կին կենտրոնները, որոնք բարեկեցություն են ապահովում հղի և մայրացած կանանց և նորածիններին: Մենք նաև միավորել ենք մեր ուժերը Կանանց աջակցության կենտրոնի հետ, ֆինանսավորելով ընտանեկան բռնության զոհերի հետ տարվող նրանց աշխատանքը:
ՀԲԸՄ-ն շոշափելի հնարավորություններ է ստեղծում Հայաստանում վերընթացի ապահովման համար։ ՀԲԸՄ «Սովորիր և վաստակիր» ծրագիրը մեծահասակներին առաջարկում է շարունակական կրթություն, իսկ զբոսաշրջության և պետական կառավարման ոլորտներում աշխատողներին՝ վերապատրաստման դասընթաքցներ: Հայաստանում գենդերային բացը լրացնելու համար ՀԲԸՄ «Հզորացնելով կանանց» նախաձեռնությունը մեկնարկեց ՀԲԸՄ «Կին ձեռներեցներ» և ՀԲԸՄ «Կին ծրագրավորողներ» ծրագրերը՝ ներգրավելով նաև տեղական և միջազգային փորձագետների:
Որակյալ և մատչելի առողջապահական խնամքի հասանելիությունը հիմնարար է Հայաստանում ընտանիքի կայունության և արտադրողականության համար: Այդ նպատակով ՀԲԸՄ-ԵՊԲՀ Լևոն և Կլաուդիա Նազարյան գերձայնային բժշկության կենտրոնը բարձրացնում է ախտորոշիչ թեստավորման մակարդակը առաջադեմ տեխնոլոգիաների կիրառմամբ և արևմտյան չափանիշներով վերապատրաստված բժշկական անձնակազմով, մյուս կողմից մեկ այլ՝ ՀԲԸՄ Կլաուդիա Նազարյան բժշկական կենտրոնն էլ անվճար բժշկական խորհրդատվական ծառայություններ է մատուցում Սիրիայի հակամարտությունից հետո Հայաստան ապաստանած սիրիահայերին: ՀԲԸՄ-ն նաև ներդրումներ է կատարում բժշկական ծրագրերում ողջ մարզերում:
Զբոսաշրջությունը, նորարարական տեխնոլոգիաներն ու գյուղատնտեսությունը Հայաստանում առաջնային ոլորտներն են: ՀԲԸՄ-ն օգնում է ընդլայնել և ներկայացնել այս ոլորտները ՀԲԸՄ Վիրտուալ կամուրջ ծրագրի միջոցով, որը Սիլիկոնյան հովտի ներդրողներին կապում է Հայաստանում գործող բարձր տեխնոլոգիաների հեռանկարային ընկերությունների հետ: Գյուղատնտեսության ոլորտում մեր նախաձեռնությունները խթանում են ֆերմերների և հողատերերի ֆինանսական անկախությունը: Մենք նաև ներդրումներ ենք կատարում ենթակառուցվածքային ծրագրերում, ինչպիսիք են վերակառուցվող գյուղերը, ներառյալ այնպիսի տարրեր, ինչպես ոռոգումը, դպրոցների վերակառուցումն ու այլ ծրագրեր:
Համագործակցելով պետական մարմինների, ՀԿ-ների և Քաղաքացիական հասարակության կազմակերպությունների հետ, ՀԲԸՄ-ն իրականացնում է ծրագրեր, որոնք ընդլայնում և զարգացնում են փոփոխությունների ձգտող համայնքների կարողությունները: Կարդացեք Եվրամիության հետ մեր վերջին գործընկերության նախաձեռնությունների մասին, որոնք ուղղված են Հայաստանում ՔՀԿ-ների ուսուցմանն ու զարգացմանը:
Make an impact that will change lives. Donate today.
