Նկար
Նախորդ դարաշրջանում ՀԲԸՄ-ն առողջապահական և սոցիալական մի շարք ծառայություններ է մատուցել Հայաստանի ամենախոցելի խավերին՝ աղքատ տարեցներին, ապագա մայրերին, նորածիններին, ներգաղթյալներին ու պատերազմի հետևանքով տեղահանվածներին: Մենք նաև ներդրումներ ենք կատարում կենսական բժշկական ռեսուրսների հասանելիությունն ապահովող երկարաժամկետ ծրագրերում:
Տարածաշրջանի անկայուն աշխարհաքաղաքական իրավիճակի պայմաններում, ՀԲԸՄ-ն ընդլայնել է իր հասանելիությունն Արցախում և Մերձավոր Արևելքում՝ խիստ կարիքավոր հազարավոր հայերին ապահովելով սննդեղենով, ապաստանով, կրթաթոշակներով, ֆինանսական օգնությամբ ու առաջին անհրաժեշտության պարագաներով:
Սոցիալական ծառայություններ
Մեր նպատակն է հույս ու հոգեկան խաղաղություն տարածել հայության կյանքի տարբեր փուլերում։ Հայաստանում և Արցախում գործող ՀԲԸՄ «Հայ կին» կենտրոնները հղի և նորածին մայրերին ապահովում են սննդեղենով, տրամադրում են երեխաների խնամքի անհրաժեշտ խորհրդատվություն, ինչպես նաև կանանց առողջության մասնագետների հասանելիություն: Երևանի համայնքներում գտնվող ՀԲԸՄ տարեցների երեք ճաշարանները շաբաթական վեց օր սննդարար կերակուր են մատուցում ավելի քան 600 տարեցներին: Ֆինանսավորումը, որը մենք տրամադրում ենք Կանանց աջակցության կենտրոններին, օգնում է ընտանեկան բռնության զոհերին գտնել ապահով ապաստան և ֆինանսական անկախության անհրաժեշտ ուղիներ:
-
Նկար
-
Նկար
-
Նկար
-
Նկար
-
Նկար
-
Նկար
Բժշկական աջակցություն
Որակյալ և մատչելի առողջապահական խնամքի հասանելիությունը կարևոր գործոն է Հայաստանում ընտանիքի կայունության և աշխատավայրում արտադրողականության համար: Այդ նպատակով մենք ստեղծել ենք արժեքավոր առողջապահական հաստատություններ, ինչպես ՀԲԸՄ-ԵՊԲՀ «Լևոն և Կլաուդիա Նազարյան» գերձայնային բժշկության կենտրոնը, որը բարձրացնում է ախտորոշիչ թեստավորման մակարդակը առաջադեմ տեխնոլոգիաների կիրառմամբ ու արևմտյան չափանիշներով վերապատրաստված բժշկական անձնակազմով: Մյուս կողմից, մեկ այլ՝ ՀԲԸՄ «Կլաուդիա Նազարյան» բժշկական կենտրոնը, անվճար բժշկական խորհրդատվական ծառայություններ է մատուցում Սիրիայի հակամարտությունից հետո Հայաստանում ապաստան գտած սիրիահայերին:
Աջակցեք մեզ
Մեր սոցիալական ծառայությունները հաճախ գործում են շնորհիվ միջազգային դոնորների առատաձեռն աջակցության: Եթե ցանկանում եք ձեր ներդրումն ունենալ, կամ լրացուցիչ տեղեկություններ ստանալ, խնդրում ենք կապ հաստատել մեր Տեղեկատվության և զարգացման գծով տնօրեն Քարեն Փափազյանի հետ kpapazian@agbu.org էլ.հասցեով:
GIVE TO AGBU
Make an impact that will change lives. Donate today.
