Everything for a Reason
How Gayane Martirosyan helped forcibly displaced Artsakh Armenians feel at home
Նկար
Դեկտեմբեր 17, 2018
ՀԲԸՄ ՄԱՍՆԱՃՅՈՒՂԵՐԸ ՆՇՈՒՄ ԵՆ ՄԱԿ-Ի՝ ՑԵՂԱՍՊԱՆՈՒԹՅՈՒՆՆԵՐԻ ՀԻՇԱՏԱԿՄԱՆ ԵՎ ԿԱՆԽԱՐԳԵԼՄԱՆ ՕՐԸ
-
Նկար
Political analyst Vicken Cheterian, Professor Uğur Ümit Üngör and Lecturer Aude Merlin engage audiences on the “Mass Violence in the Middle East Today” panel in Brussels, organized by the Belgian Collective for the Prevention of Crimes of Genocide and Against Negationisms in partnership with AGBU Europe. -
Նկար
Armenia's Acting Foreign Minister Zohrab Mnatsakanyan and AGBU Armenia President Vasken Yacoubian address forum participants and concert-goers in Yerevan. -
Նկար
The State National Academic Choir of Armenia and the Armenian National Philharmonic Orchestra about to take a bow for their exceptional performance at the AGBU-sponsored opening concert of the Global Forum Against the Crime of Genocide, in Yerevan. -
Նկար
Author Wendy Elliott brings stories of Talas to the AGBU Toronto community with her book, Grit and Grace In A World Gone Mad: Humanitarianism In Talas, Turkey 1908-1923.
Ի նշանավորումն Ցեղասպանության զոհերի հիշատակի և արժանապատվության և այդ հանցագործության կանխարգելման միջազգային օրվա, ՀԲԸՄ-ն հայտնում է իր շարունակական նվիրվածությունը կրթության միջոցով ցեղասպանությունների կանխարգելման գործում ՄԱԿ-ի առաքելությանը: Աշխարհի տարբեր ծայրերում գտնվող ՀԲԸՄ երեք կենտրոնները կազմակերպել են հիշատակի միջոցառումներ, այդ թվում՝ քննարկում Մերձավոր Արևելքում ընթացող հակամարտությունների մասին, գրական երեկո՝ ծագումնաբանության հարցերով, ինչպես նաև համերգ՝ ՀԲԸՄ հովանավորության ներքո:
«Այն, թե ինչպես ենք ներկայացնում Մերձավոր Արևելքի պատմությունը, չափազանց խնդրահարույց է, քանզի չի օգնում հասկանալու մեր անցյալը», - իր խոսքն այսպես սկսեց Ժնևի Վեբսթերի համալսարանի քաղաքական վերլուծաբան Վիգեն Չեթերյանը: «Շատ կարևոր է Օսմանյան կայսրության պատմությունը դիտարկել 19-րդ դարի սկզբներից՝ հասկանալու համար, թե ներկայումս ինչ է տեղի ունենում Մերձավոր Արևելքում»: Բրյուսելում «Ներկայիս զանգվածային բռնությունները Մերձավոր Արևելքում» թեմայով քննարկումներում ելույթ ունենալիս պրոֆեսոր Չեթերյանին քննարկման ընթացքում միացավ Ուտրեխտի համալսարանի պրոֆեսոր Ուղուր Ումիթ Ունգորը: 2018թ. դեկտեմբերի 13-ին տեղի ունեցած քննարկումները վարում էր Բրյուսելի բաց համալսարանի (Université Libre de Bruxelles) քաղաքագիտության դասախոս Օդե Մերլինը, իսկ մասնակիցների թվում էին գիտնականներ, ուսանողներ, ինչպես նաև պետական և ոչ պետական կազմակերպությունների ներկայացուցիչներ:
Ներկայացումների ժամանակ անդրադարձ կատարվեց Մերձավոր Արևելքում անցյալում և ներկայումս տեղի ունեցող աշխարհաքաղաքական հակամարտություններին, ինչպես նաև այն հարցին, թե ինչպես հետ-օսմանյան ժամանակահատվածում աշխարհի պատմության խեղաթյուրումը կարող է հանգեցնել բռնության միտումների պահպանմանը: Պրոֆեսոր Չեթերյանը հակադրվեց այն ոչ պատշաճ կրթության հետևանքներին, որ ուսանողները ստացել էին Մերձավոր Արևելքի նոր պատմության վերաբերյալ՝ սկսած Առաջին աշխարհամարտից, իսկ պրոֆեսոր Ունգորը քննության առավ «հաղթանակի, պարտության և դիմադրության մշակույթների» ձևավորումը և դրանց ներկայիս ազդեցությունը բռնության դեպքերի վրա: Որպեսզի մասնակիցներն ըմբռնեն, թե վայրագ հակամարտություններն ինչպես են անդրադառնում մեր օրերի վրա, պրոֆեսոր Ունգորը պարզաբանեց, որ անցյալին անդրադառնալիս «այդ ամբողջ բռնությունից, քաղաքական հաստատությունների, քաղաքացիական հասարակությունների բացակայությունից և փոքրամասնությունների հզորացումից զատ՝ մենք պետք է մտորենք անցումային արդարադատության բացակայության մասին»:
Քննարկումը, որի ընթացքում անդրադարձ կատարվեց պատմական ճշմարտության վերականգնման մարտահրավերներին և այդ ուղղությամբ համաշխարհային հանրության կողմից գործադրվող ջանքերին, կազմակերպվել և հյուրընկալվել էր Ցեղասպանության հանցագործությունների կանխարգելման և ժխտողականության դեմ պայքարի բելգիական միության կողմից՝ Հայկական բարեգործական ընդհանուր միության (ՀԲԸՄ Եվրոպայի գրասենյակի), Բրյուսելի բաց համալսարանի քաղաքական կյանքի հետազոտման բաժանմունքի (Cevipol), Երիտասարդ գնչուների միջազգային ցանցի (Ternype) և Հրեա ուսանողների եվրոպական միության (EUJS) հետ գործընկերությամբ: Բելգիական միությունը բաղկացած է ցեղասպանություն վերապրած համայնքների հետ առնչություն ունեցող միավորումներից:
ՀՀ արտաքին գործերի նախարարության կողմից Երևանում կազմակերպված Ցեղասպանություն հանցագործության դեմ պայքարի գլոբալ ֆորումի շրջանակներում ՀԲԸՄ-ն հովանավորել է 2018թ. դեկտեմբերի 9-ին տեղի ունեցած բացման համերգ-երեկոն՝ մասնակցությամբ Հայաստանի պետական ակադեմիական երգչախմբի և Հայաստանի ազգային ֆիլհարմոնիկ նվագախմբի: Ֆորումի օրակարգն ուղղված էր հասանելի հանրակրթության միջոցով ցեղասպանությունների կանխարգելմանը: «Հաշվի առնելով հայ ազգի պատմությունը, մենք պարտավոր ենք լույս սփռել բոլոր ցեղասպանությունների սարսափների, ինչպես նաև հիմնավոր վավերագրերի առկայության պայմաններում ցեղասպանության ժխտման հետ կապված շարունակական անարդարության վրա», - ասաց ՀԲԸՄ Հայաստանի նախագահ Վազգեն Յակուբյանը՝ ՀՀ արտաքին գործերի նախարարի պաշտոնակատար Զոհրաբ Մնացականյանի ներկայությամբ: «ՀԲԸՄ-ն հպարտ է, որ օգնում է կրել մարդու իրավունքների առաջքաշման ծանր թիկնոցը՝ կազմակերպելով միջազգային սիմպոզիումներ և ծավալուն քննարկումներ այնպիսի խոշոր մայրաքաղաքներում, ինչպիսիք են Նյու Յորքը, Փարիզն ու Բեյրութը, ինչպես նաև մասնակցելով դրանց: Այսօր մենք այդ գործունեությունը ծավալում ենք ոչ պարզապես որպես ցեղասպանություն վերապրածներ, այլև որպես մարդասիրության առաջատարներ»:
Ատլանտյան օվկիանոսից այն կողմ՝ Կանադայում, ՀԲԸՄ Տորոնտոյի գրասենյակը տեղի համայնքին ներգրավել է Արևմտյան Հայաստանի Թալաս բնակավայրի հերոսական պատմության ուսումնասիրմանը: «Մասնակցելով ուղևորությանը» խորագրով միջոցառումը, որը անցկացվել է 2018թ. նոյեմբերի 28-ի գիշերը, նվիրված էր Ուենդի Էլիոթի Սխրանքն ու ողորմածությունը խելացնոր աշխարհում. մարդասիրական գործունեությունը Թալասում՝ Թուրքիայում՝ 1908-1923 թվականներին գրքի քննարկմանը: Գրքով հետադարձ հայացք է գցվում Թալասում Առաջին աշխարհամարտից հետո Օսմանյան կայսրության հոգեվարքի օրերին Թալասում կանադացի և ամերիկացի միսիոներների և նրանց օգնող մարդկանց ականավոր, սակայն քիչ հայտնի խմբի գործունեությանը: Էլիոթը նկարագրում է, թե ինչպես է այս խումբը հազարավոր հայ, հույն և թուրք որբերի փրկել սովից ու հիվանդություններից, ինչպես են այս հասարակ մարդիկ իրենց ծառայության միջոցով բեկել պատմության ընթացքը: Միջոցառումն առանձնապես հուզումնալից էր, քանի որ մասնակիցներից շատերը թալասցի հայերի ժառանգներ էին, ովքեր Էլիոթի ներկայացրած արխիվային նյութերի օգնությամբ ուսումնասիրեցին իրենց նախնիների քաղաքը: Հաջորդ շաբաթ Էլիոթին նույնպիսի հաջողությամբ հյուրընկալեց ՀԲԸՄ Մոնրեալի գրասենյակը:
Ի լրումն ողջ աշխարհում շարունակաբար իրականացվող ծրագրերի, ՀԲԸՄ-ն հրատարակել է երեք WebTalk՝ Բելգիայի Լուվենի կաթոլիկ համալսարանի (UCL) բյուզանդագիտության, հայագիտության, վրացագիտության, եվրոպական մշակույթի և ինքնության հարցերի դոկտոր Բերնարդ Կուլիի մասնակցությամբ: Տեսանյութերում դոկտոր Կուլին մանրամասն ներկայացնում է ցեղասպանության փուլերը, լուսաբանում Հայոց ցեղասպանության հետ ժամանակային առումով համընկնող ասորիների և պոնտացի հույների ցեղասպանությունների պատմությունը, քննարկում ցեղասպանության ճանաչմանն ուղղված գործընթացները Բելգիայում: Կրթության միջոցով ցեղասպանության կանխարգելման նպատակով ՀԲԸՄ WebTalk-երը նախատեսված են համաշխարհային հանրությանը հասանելի լինելու համար: Այդ իրադարձությունների տարելիցից հետո էլ ՀԲԸՄ-ն պահպանում է իր նվիրվածությունը աշխարհի բոլոր ծայրերում իր ընդլայնվող համայնքներին:
Please note that archived content may appear distorted as it has been stripped of formatting and original images.
