Discover Armenia

Մասին Օրեր Հարցեր Դիմել

Իր կենսունակ պատմության ու ավանդույթների, տպավորիչ բնապատկերների, ինչպես նաև անզուգական հյուրընկալությամբ բոլորովին հեշտ է Հայաստանը դարձնել ձեր ամառային գլխավոր ուղղությունը: Հանդիպելով աշխարհի տարբեր ծայրերից եկող ձեր հասակակիցների հետ, դուք կբացահայտե՛ք, թե ինչն է հայրենիքը դարձնում յուրահատուկ։ Ծանոթանալով հնագույն հուշարձաններին ու մշակութային գոհարներին, դուք կհայտնաբերե՛ք ձեր ժառանգությունը նոր ու հետաքրքիր ձևերով և այն կփոխանցեք իմաստալից փորձառությունների միջոցով:

Բաց մի թողե՛ք հնարավորությունն ու միացե՛ք 15-18 տարեկան սփյուռքահայ պատանիներին՝ երեքշաբաթյա յուրօրինակ ճամփորդությանը դեպի Հայաստանի տարբեր մարզեր: Տեղերը սահմանափակ են։

Վաստակե՛ք համայնքային ծառայության ընդհանուր առմամբ 60 ժամ միավոր:

Մենք ծառայությունների այնպիսի բազմազան տեսականի ենք առաջարկում, որն անկասկած մեր մասնակիցների մոտ է՛լ ավելի է ամրապնդում Հայաստանի հետ ներգրավվածության ու կապի զգացումը: Արցախից տեղահանված երեխաների և ընտանիքների հետ ՀԲԸՄի ներգրավվածության բազմաբնույթ ծրագրերում աշխատելուց մինչև գյուղական համայնքներում տների կառուցումը, օգնության բաշխումը, էկո-մաքրությունը, համայնքային ծառայության ծրագրերը խմբերի միջև կապի և անձնական աճի եզակի հնարավորություններ են ընձեռում:

Երեքշաբաթյա կեցության ընթացքում, այցելելով տեսարժան վայրեր, խորասուզվե՛ք հայկական մշակույթի ու ավանդույթների աշխարհում: Մենք տեսարժան վայրերում զբոսանքի և զվարճանքի հավասարակշռված առաջարկ ենք ներկայացնում՝ ճանապարհորդություն այնպիսի անսովոր վայրերով, որոնք հավերժ կմնան ձեր հիշողություններում:

Ամառային կարևոր իրադարձություններից են դեպի Հայաստանի ամենաբարձր՝ Արագած լեռան գագաթ խմբային քայլարշավը, Սևանա լճում նավարկությունն ու լողալը, աշխարհի ամենաերկար ճոպանուղիով Տաթևի վանք ճանապահորդությունը, խաչքարերի փորագրության, կամ ավանդական գեղագրության արվեստի հետ ծանոթությունն և այլ միջոցառումներ: Մասնակիցներն իրենց կեցության վայրերում խոհարարության ու պարի դասընթացների են հետևում, զբաղվում սպորտով, ինչպես նաև կազմակերպվում են բացօթյա զվարճանքներ:

Բծախնդրությամբ պատրաստված մեր երթուղին առաջին և երկրորդ օրերին սկսվում է ծանոթությամբ ու Երևանի բացահայտմամբ։ Այնուհետև խումբը կտեղափոխվի Հանքավանի մեր կենտրոնավայր: Հաջորդ օրերին շրջայցեր են կազմակերպվում դեպի Գյումրի, Լոռի, Տաթև, Սևան և այլ վայրեր: Կեցության ողջ ընթացքում մասնակիցները նաև պատիվ կունենան հանդիպելու տեղական բարձրաստիճան պաշտոնյաների հետ և նույնիսկ մասնակցելու Մայր Աթոռ Սուրբ Էջմիածնում տեղի ունեցող Խաղողօրհնեքի արարողության նախապատրաստական աշխատանքներին։

Միացե՛ք կյանքը փոխող ամառային այս փորձառությանը

2025 թվականի գրանցումների և հավելյալ տեղեկությունների համար այցելե՛ք ավելի ուշ

Կապ մեզ հետ

Discover Armenia Participant Helping to Build a House

Discover Armenia Participant doing pottery

Discover Armenia Participants having selfie

Discover Armenia Participant in front of a monastery

Մանրամասներ

Ճամփորդություն

Կացարաններ

Անվտանգություն

Ֆինանսներ

Մանրամասներ

Ինչպիսի՞ վերահսկողություն և ուղղորդում է տրամադրվում:

ՀԲԸՄ ամառային երիտասարդական ծրագրերի տնօրեն Հերմինե Դուզյանը (Հայաստան/Ֆրանսիա), փորձառու օգնականների նվիրված թիմի հետ միասին ամեն ամառ ղեկավարում է «Բացահայտիր Հայաստանը» ծրագիրը: Մասնակիցները վերահսկվում են ճանապարհորդության ողջ տևողության ընթացքում:

Լիբանանի ՀԲԸՄ Դարուհի Յակոբեան վարժարանի շրջանավարտ Հերմինե Դուզյանը երկար տարիներ ծառայել է ՀԲԸՄ-ին եւ հայ համայնքին: Նա եղել է ՀԲԸՄ սկաուտ եւ մարզիկ: Պատանեկան դրական փորձառությունները նրան մղել են կենտրոնանալու ՀԲԸՄ երիտասարդական ծրագրերի վրա: Ամեն ամառ Հերմինեն անհամբեր սպասում է հայ նոր սերնդի մասնակիցներին՝ հաղորդակից դարձնելու նրանց սեփական մշակութային ինքնությանն ու ազգային ժառանգությանը:

Որո՞նք են ծրագրի կանոնները:

ՀԲԸՄ «Բացահայտիր Հայաստանը» ծրագիրը մասնակիցներից ակնկալում է դրական վերաբերմունք և եռանդուն մասնակցություն: Նրանք պետք է հետևեն ծրագրի տնօրենի և աշխատակազմի ցուցումներին: Մասնակիցներից պահանջվում է ուշադրություն. անվտանգության կանոններին կամ ծրագրի հաճելի ընթացքին վնասող վարքագծերը չեն ընդունվում: Կանոնակարգերի առավել համապարփակ ցանկը տրված է հայտադիմումի Մասնակիցների վարքագծի կանոնագրքի և Համաձայնագրի ձևաթղթում, որը գրանցման ժամանակ պետք է ստորագրվի յուրաքանչյուր մասնակցի ու նրա օրինական խնամակալի կողմից:

Ի՞նչ ծրագիր է նախատեսված գալիք ամառ:

Հատուկ ծրագիրն ու ժամանակացույցը տրամադրվելու է ծրագրի մեկնարկին անմիջապես նախորդող օրերին, որը մանրամասնությամբ հաղորդվելու է մասնակիցներին և նրանց ընտանիքներին:

Ինչպե՞ս կարող եմ ծրագրի ընթացքում կապվել իմ երեխայի հետ:

Դուք կարող եք կապ պահպանել ձեր երեխայի հետ էլեկտրոնային փոստի կամ հեռախոսի միջոցով: Յուրաքանչյուր մասնակից կարող է իր հետ ունենալ սեփական միջազգային բջջային հեռախոսը (GSM համակարգերի հետ աշխատելու հնարավորությամբ), կամ գնել նորը Հայաստանում: Մասնակիցները կարող են նաև ընտանիքի և ընկերների հետ շփվելու համար օգտվել իրենց գտնվելու վայրի անվճար WiFi-ից։ Արտակարգ իրավիճակների դեպքում կարող եք դիմել ծրագրի տնօրենին:

Ճամփորդություն

Ի՞նչ է կոչվում Երևանի օդանավակայանը։

«Զվարթնոց» միջազգային օդանավակայան:

Ինչպե՞ս են ամրագրվում ինքնաթիռի տոմսերը:

Ծրագրի վճարը չի ներառում ինքնաթիռի տոմսերի արժեքը: Թռիչքների բոլոր ամրագրումները կատարվում են մասնակիցների կողմից: Նախքան գրանցումը, ճանապարհորդությունը համակարգելու համար մեր ծրագրի տնօրենը կկապվի յուրաքանչյուր ընտանիքի հետ:

Արդյո՞ք մուտքի վիզա է պահանջվում Հայաստան ժամանելու և այնտեղ գտնվելու համար:

Առանց մուտքի վիզայի պահանջի Հայաստան կարող են ժամանել հետևյալ 45 երկրների քաղաքացիները՝ Անդորրա, Ավստրիա, Ավստրալիա, Բելգիա, Բուլղարիա, Խորվաթիա, Կիպրոս, Չեխիա, Դանիա, Էստոնիա, Ֆինլանդիա, Ֆրանսիա, Գերմանիա, Հունաստան, Հունգարիա, Իսլանդիա, Իռլանդիա, Իտալիա, Ճապոնիա, Կորեա, Լատվիա, Լիխտենշտեյն, Լիտվա, Լյուքսեմբուրգ, Մալթա, Մոնակո, Մոնտենեգրո, Նիդեռլանդներ, Նոր Զելանդիա, Նորվեգիա, Լեհաստան, Պորտուգալիա, Կատար, Ռումինիա, Սան Մարինո, Սինգապուր, Սլովակիա, Սլովենիա, Իսպանիա, Շվեդիա, Շվեյցարիա, Վատիկան, Արաբական Միացյալ Էմիրություններ, Միացյալ Թագավորություն և Ամերիկայի Միացյալ Նահանգներ:

Վերևում չնշված երկրների քաղաքացիները պետք է դիմեն Հայաստանի ամենամոտ դեսպանատուն՝ ստուգելու մուտքի վիզայի պահանջները:

Ինչպիսի՞ նույնականացում է պահանջվում ուղևորության համար:

Բոլոր մասնակիցները պետք է ունենան անձնագիր, որը վավեր է Հայաստանից վերադառնալու օրվանից առնվազն 6 ամիս:

Կացարաններ

Որտե՞ղ են տեղավորվում մասնակիցները Հայաստանում գտնվելու ընթացքում:

Խումբը հանգրվանելու է Երևանից դուրս գտնվող Հանքավանում (քաղաքից շուրջ 40 րոպե մեքենայով): Նորակառույց կացարանը հագեցած է ժամանակակից հարմարություններով, սպորտային դահլիճներով և մարզադաշտերով, ինչպես նաև լողավազանով։ Բոլոր համարները բաղկացած են 2 սենյակից, յուրաքանչյուրը՝ 3-4 մահճակալով:

Ի՞նչ սնունդ է մատուցվում մասնակիցներին:

Մասնակիցները վայելում են մի շարք սննդարար կերակուրներ՝ հայկական ավանդական ուտեստներից մինչև սենդվիչներ: Նկատի ունենալով մասնակիցների թիվը՝ մենք չենք կարող ընդունել հատուկ սննդակարգի պահանջներ և ակնկալում ենք, որ մասնակիցները կվայելեն տրամադրվող ընդհանուր սնունդը: Եթե ձեր երեխան ունի սննդային ալերգիա, խնդրում ենք դիմել մեզ նախքան գրանցումը՝ քննարկելու առկա տարբերակները:

Ի՞նչ պարագաներ պետք է բերեն մասնակիցներն իրենց հետ:

Նախքան Հայաստան ժամանելը, մասնակիցներին կտրամադրվի ամբողջական ցուցակ, որը ներառում է հագուստի, ինչպես նաև բնակության համար անհրաժեշտ այլ պարագաների մասին տեղեկություններ: Տարածքում լվացքատուն չկա, ուստի մասնակիցներին խորհուրդ է տրվում 18 օրվա համար բավարար հագուստ բերել:

Արդյո՞ք ՀԲԸՄ-ն կացարաններ կտրամադրի նախքան ծրագրի մեկնարկը ժամանող, կամ ծրագրի ավարտի նշանակված ամսաթվերից ավելի ուշ վերադարձող մասնակիցներին:

Նախքան Հայաստան ժամանելը, մասնակիցներին կտրամադրվի ամբողջական ցուցակ, որը ներառում է հագուստի, ինչպես նաև բնակության համար անհրաժեշտ այլ պարագաների մասին տեղեկություններ: Տարածքում լվացքատուն չկա, ուստի մասնակիցներին խորհուրդ է տրվում 18 օրվա համար բավարար հագուստ բերել:

Կարո՞ղ են մասնակիցները ծրագրի ընթացքում մնալ հարազատների/ընկերների հետ:

«Բացահայտի՛ր Հայաստանը» պահանջում է, որ բոլոր մասնակիցները միասին ապրեն ՀԲԸՄ-ի տրամադրած կացարանում: Սա խթանում է խմբային ընկերակցությունն ու համագործակցությունը: ԲԱՑԱՌՈՒԹՅՈՒՆՆԵՐ ՉԵՆ արվում։

Անվտանգություն

Ի՞նչ պատվաստումներ են անհրաժեշտ Հայաստան մեկնելու համար:

Բացի COVID-19-ի դեմ պատվաստումներից, Հայաստան մեկնելու համար այլ պարտադիր պատվաստումներ չկան։ Այնուամենայնիվ, խորհուրդ ենք տալիս խորհրդակցել ձեր երեխայի բժշկի հետ՝ նախքան նրա ճանապարհորդությունը: Դեղատոմսով նշանակված դեղերի օգտագործման ու որոշակի պայմանների առկայության մասին տեղեկությունները պետք է ծրագրի պատասխանատուների ուշադրությանը հանձնվեն նախքան գրանցումը:

ՀԲԸՄ-ն իրեն իրավունք է վերապահում մերժել ցանկացած մասնակցի, եթե ծրագրի տնօրենը զգա, որ նրա առողջական վիճակը բավարար չէ մասնակցելու համար:

Կա՞ն արդյոք ծրագրի մասնակցության այլ բժշկական սահմանափակումներ:

Բացի COVID-19-ի դեմ պատվաստումներից, Հայաստան մեկնելու այլ պարտադիր պատվաստումներ չկան։ Այնուամենայնիվ, խորհուրդ ենք տալիս խորհրդակցել ձեր երեխայի բժշկի հետ նախքան նրա ճանապարհորդությունը: Դեղատոմսով նշանակված դեղերի օգտագործման ու որոշակի պայմանների առկայության մասին տեղեկությունները պետք է ծրագրի պատասխանատուների ուշադրությանը հանձնվեն նախքան գրանցումը:

ՀԲԸՄ-ն իրեն իրավունք է վերապահում մերժել ցանկացած մասնակցի, եթե ծրագրի տնօրենը զգա, որ նրա առողջական վիճակը բավարար չէ մասնակցելու համար:

Արդյո՞ք իմ երեխան պետք է բժշկական ապահովագրություն ունենա:

Այո՛։ Բոլոր մասնակիցները, անկախ տարիքից և ժամանման երկրից, պարտավոր են ծրագրի ընթացքում ունենալ ճանապարհորդական բժշկական ապահովագրություն:

Որքանո՞վ է հասանելի բժշկական օգնությունն իմ երեխային ծրագրի ընթացքում:

ՀԲԸՄ-ն 24-ժամյա բժշկական օգնություն է ապահովում կացարանում: Արտակարգ իրավիճակների դեպքում բուժօգնություն կտրամադրվի մոտակա հիվանդանոցում։

Ֆինանսներ

1. Որքա՞ն է «Բացահայտի՛ր Հայաստանը» ծրագրի մասնակցության վճարը:

Ծրագրի մասնակցության վճարները կազմում են 1000 եվրո, կամ 1200 ԱՄՆ դոլար: Օդանավի և այլ ճանապարհածախսերը ներառված չեն արժեքի մեջ:

Ի՞նչ ծախսեր է ներառում մասնակցության վճարը:

Մասնակցության վճարը ներառում է՝ կեցության ծախսեր, սնունդ, միջոցառումներ, ներառյալ շրջագայություններ, խմբային ընթրիքներ, կազմակերպված ուղևորություններ քաղաքից դուրս և տեղական տեսարժան վայրերի այցելություններ:

Արդյո՞ք տրամադրվում է ֆինանսական օգնություն:

Ֆինանսական օգնության համար խնդրում ենք դիմել ծրագրի տնօրենին՝ հատուկ դիմում-հայտը լրացնելու համար:

What is the Cancellation Policy?

In the event you wish to withdraw from the program, please inform our Program Director Hermine Duzian immediately via email at hduzian@agbu.org. Cancellations made after June 30, 2024 are non-refundable.

If for any reason AGBU cancels the program, all payments will be refunded in full.

Արդյո՞ք ծրագրի ընթացքում իմ երեխայից որևէ այլ գումար է պահանջվում ծախսելու համար:

Ծրագրի վճարում ներառված են օրական սննդի, գիշերակացի և տեղային փոխադրումների ծախսերը: Ծնողներն իրենց հայեցողությամբ կարող են գումար տրամադրել իրենց երեխաներին (150-200 եվրո, կամ ԱՄՆ դոլար):

How do I access my child's application to update information?

Once you create a family profile, you can return to your login by clicking here.

If I enrolled an older child previously, do I still need to complete an application?

Yes. Each child needs their own enrollment form including personal information, health background etc. You can return to your family profile using this link and simply add a child.

Վերահսկողություն և թիմ

Մասնակիցները 18 օր անցկացնում են վերահսկվող միջավայրում: Ծրագրի տնօրենն ու փորձառու օգնականները ապրում են նույն կացարանում և հասանելի են օրը 24 ժամ՝ շաբաթը 7 օր: Ամառային երիտասարդական ծրագրերի մեր երկարամյա տնօրեն (Հայաստան/Ֆրանսիա) Հերմինե Դուզյանն այս ամառ նույնպես ղեկավարելու է «Բացահայտի՛ր Հայաստանը 2022» ծրագիրը: