Ճամբարներ

ՀԲԸՄ Անդրանիկ սկաուտական բանակումը Միության առաջին սկաուտական ճամբարն է Հայաստանում, որն ամեն տարի հարյուրավոր երիտասարդների է միավորում տարբեր երկրներից՝ Արգենտինայից, Հայաստանից, Իրաքից, Լիբանանից, Սիրիայից, Միացյալ Նահանգներից և Ուրուգվայից՝ միասին արկածներով լի հետաքրքրաշարժ օրեր անցկացնելու: Ճամբարը իդեալական վայր է մեր սկաուտների համար՝ շփվելու ու ընկերական սերտ կապեր ստեղծելու ամեն տարի անհամբերությամբ նրանց այցին սպասող հայաստանաբնակ սկաուտների հետ: 

«Անդրանիկ» սկաուտական ​​բանակումի մասին լրացուցիչ տեղեկությունների համար խնդրում ենք գրել youth@agbu.org էլ. հասցեին:

ՀԲԸՄ-ն 2021 թ.-ից կազմակերպում է ամառային ճամբար Արցախյան երկրորդ պատերազմում նահատակված, գերի ընկած, անհետ կորած և վիրավորված մեր հերոսների 7-13տ. զավակների, քույրերի և եղբայրների համար: ՀԲԸՄ «Նաիրի» ճամբարը գտնվում է գեղատեսիլ Հանքավանոմ և նպատակ ունի երեխաներին պարգևել անմոռանալի և զվարճանքներով լի ամառ: Ծրագրի շրջանակներում փոքրիկները անցկացնում են ուրախ և ակտիվ ժամանց, բնության գրկում վայելում են ամառային արձակուրդները, ձեռք են բերում նոր ընկերներ, ինչպես նաև ծանոթանում են հայ ազգային պարերին, զարգացնում են ստեղծագործելու, մտածելու և նորը ստեղծելու ունակությունները:

Ծրագիրը ներառում է էքսկուրսիաներ և արշավներ դեպի հետաքրքիր և տեսարժան վայրեր, ձեռքի աշխատանք, սպորտային խաղեր (ֆուտբոլ, բասկետբոլ, վոլեյբոլ, թենիս), լող, ինտելեկտուալ և ուսուցողական խաղեր, հայ ազգային երգ ու պար, մուլտֆիլմերի, ֆիլմերի դիտումներ և քննարկումներ, երեկոյան ուրախ և ակտիվ ժամանցային ծրագիր: Երեխաները ստանում են երեքանգամյա սնունդ, որը պատրաստվում է տեղում հմուտ խոհարարների կողմից:

Իսկ 2023 թվականի սեպտեմբերի 19-ից հետո ՀԲԸՄ-ն ձեռնամուխ եղավ «Նաիրի» ընտանեկան ճամբար-ի հիմնադրմանը, որն հանգստյան օրերին անվճար հյուրընկալում է Արցախից բռնի տեղահանված երեխաներին ու նրանց մայրիկներին: Ճամբարին ծրագիրն հագեցած է. այն ներառում է հոգեբանական աջակցության թերապիաներ (music & art therapies), սթրեսի կառավարման դասընթաց, ինտելեկտուալ և ակտիվ խաղեր, երեքանգամյա սնունդ և, իհարկե, ուրախ ու հաճելի ժամանց: Ճամբարին կարող են մասնակցել 2023թ. սեպտեմբերի 24-ից հետո Արցախից բռնի տեղահանված 6-14 տարեկան երեխաներն ու նրանց մայրիկները։

ՀԲԸՄ «Նաիրի» ճամբարների մասին հավելյալ տեղեկությունների համար դիմե՛ք ճամբարի տնօրեն Հերմինե Դուզյանին՝ hduzian@agbu.org կամ զանգահարե՛ք 055 683 173 հեռախոսահամարով:

Հայ լեռ ճամբարը Պլովդիվից, Հասկովոյից, Բուրգասից, Ռուսսեյից, Յամբոլից և Արևելյան Բուլղարիայի այլ քաղաքներից ժամանած 7-14 տարեկան երիտասարդներին հյուրընկալում է առողջարանային համալիրների մոտակայում գտնվող գեղատեսիլ լեռներում: Նրանք վայելում են բնությունը, մասնակցում լողի, ձիավարժության, արշավների, զբաղվում արվեստով ու ձեռային աշխատանքներով, հետևում Հայկական վիրտուալ համալսարանի առցանց դասերին ու հայկական երգ ու պարի պարապմունքներին:

Հայ լեռ ճամբարի մասին լրացուցիչ տեղեկությունների համար խնդրում ենք գրել youth@agbu.org հասցեին:

ՀԲԸՄ Սոֆիայի մասնաճյուղի Հայ լեռ ճամբարը 7 օրով համախմբում է 4-18 տարեկան երիտասարդների՝ Սոֆիայից, հարակից քաղաքներից, Հայաստանից, Եվրոպայից և ԱՄՆ-ից: Ճամբարականները ծանոթանում են հայկական մշակույթին, սովորում բնության պահպանման ու բացօթյա պայմաններում գոյատևման կանոնները, ինչպես նաև ուժեղացնում են իրենց մտավոր ու ֆիզիկական հմտությունները, զբաղվում ֆուտբոլով, վոլեյբոլով և շախմատով: Թատրոնն ու հայկական պարը նույնպես դասավանդվում են հատուկ հրահանգիչների կողմից։

Հայ լեռ ճամբարի մասին լրացուցիչ տեղեկությունների համար խնդրում ենք գրել youth@agbu.org էլեկտրոնային հասցեին, կամ այցելել հետևյալ կայքերը. https://haylercamp.wordpress.com:

ՀԲԸՄ Քեսաբի ճամբարն ամեն ամառ ՀԲԸՄ-ի բազմաթիվ խմբերի է հյուրընկալում, որոնք օգտակար ժամանակ անցկացնելու հնարավորություն են ստանում: Այն նաև սկաուտական ​​խմբերին հնարավորություն է ընձեռում կիրառելու իրենց ստեղծագործական  հմտությունները:

Քեսաբի ճամբարի մասին լրացուցիչ տեղեկությունների համար խնդրում ենք գրել youth@agbu.org էլ.հասցեին:

1963թ.-ից Նուբար ճամբարը երիտասարդներին առաջարկում է լավ մշակված ծրագրեր, որոնք ներառում են արշավներ, նավային զբոսանքներ, ձիավարժություն,  արվեստ և ձեռային աշխատանքներ: Ճամբարականները կազմակերպում են մշակութային միջոցառումներ, զբաղվում  լուսանկարչությամբ, ինչպես նաև պարապում հայոց լեզու, պատմություն և ուսումնասիրում հայ մշակույթը: Նուբար ճամբարը տեղակայված է անտառների վրա, որոնք շրջապատում են Նյու Յորքի հյուսիս-արևելքում գտնվող Քաթսկիլ լեռներում ծվարած մասնավոր լիճը:

Այցելե՛ք Նուբար ճամբարի կայքէջը:

«Երջանիկ Թաջիրյան» ամառային ճամբարը ողջունում է տարրական դպրոցական տարիքի երեխաներին՝ հարստացնելու իրենց գիտելիքները գիտությունների, լեզվի, հայկական մշակույթի և ժառանգության մասին:

Երջանիկ Թաջիրյան ամառային ճամբարի մասին լրացուցիչ տեղեկությունների համար՝ Բաղդադ, Իրաք, խնդրում ենք գրել youth@agbu.org էլ. հասցեին:

ՀԲԸՄ Դեմիրճյան կենտրոնի ցերեկային ամառային ճամբարը հիմնադրվել է 1997-ին: Ամեն տարի ճամբարն ընտրում է տարբեր կրթական թեմաներ, որոնք կազմում են հուլիս և օգոստոս ամիսների ծրագրերի առանցքը: Ճամբարականների համայնքային ծառայության ծրագրերը օգնում են նաև ՀԲԸՄ Լիբանանի դպրոցների և այլ հայկական ու տեղական կազմակերպությունների ծրագրերին:

ՀԲԸՄ Դեմիրճյան կենտրոնի ամառային ցերեկային ճամբարի մասին լրացուցիչ տեղեկությունների համար խնդրում ենք գրել youth@agbu.org էլ. հասցեին

ՀԲԸՄ «Հայորդյայց» ամառային ճամբարի մասնակիցներն արվեստի, գիտության, սպորտի, երգի, պարի և թատրոնի տարբեր ձևերի միջոցով հարստացնում են իրենց ներաշխարհը: Ճամբարի ավարտին նրանք մասնակցում են ընկերական տաղանդների «Հայորդյացը տաղանդ է» մրցույթին: Սա ամենահիշարժան միջոցառումն է երիտասարդ մասնակիցների համար, որոնք ամառային ճամբարում մնայուն հիշողություններ են կերտում:

«Հայորդյայց» ամառային ճամբարի մասին լրացուցիչ տեղեկությունների համար կարող եք գրել youth@agbu.org էլ. հասցեին:

2012-ին մեկնարկած ՀԲԸՄ Փասադենայի ամառային ցերեկային ճամբարում, որն այժմ հայտնի է որպես ՀԲԸՄ «Ամարաս», երեխաները կարող են արժևորել իրենց մշակութային ժառանգությունն ու հարատև բարեկամություն հաստատել իրենց հայ հասակակիցների հետ:

ՀԲԸՄ «Ամարաս» ճամբարի մասին ավելին իմանալու համար խնդրում ենք զանգահարել ՀԲԸՄ Արևմտյան շրջանի գրասենյակ՝ (626) 794-7942:

Իմացե՛ք ավելին Ամառային ցերեկային ճամբարի մասին: