ՄԱՐՄՆԱՄԱՐԶՈՒԹԻՒՆ

ԾՐԱԳԻՐՆԵՐ

Հ.Բ.Ը.Մ.ի մարզական խումբերուն միջոցով տարբեր տարիքներու պատանի-պատանուհիներ եւ երիտասարդ-երիտասարդուհիներ առիթ կ՛ունենան զարգացնելու պասքեթպոլի, ֆութպոլի, լողի, փինկ-փոնկի, վոլէյպոլի եւ այլ մարզաձեւերու մէջ իրենց ձիրքերը, միաժամանակ կազմելով ընկերային առողջ եւ հաճելի շրջանակ մը:

Տարուան ընթացքին, մեր մարզիկները իրենց նախընտրած մարզաձեւին մէջ կը պատրաստուին տեղական եւ շրջանային խաղերու՝ Արժանթինէն Աւստրալիա, Պրազիլ, Կիպրոս, Լիբանան, Եգիպտոս, Ֆրանսա, Իրաք, Ուրուկուէյ եւ Միացեալ Նահանգներ: Փորձառու եւ հմուտ մարզիչներու օգնութեամբ, մեր մարզական կեդրոններուն մէջ մասնակիցները կը զարգացնեն իրենց հմտութիւնները, կը ձեւաւորեն իրենց անհատականութիւնը եւ կ՛իւրացնեն մարզական ոգին մարզական կեանքի մէջ եւ թէ՛ անկէ դուրս: Մենք հպարտ ենք մեր մարզական բոլոր խումբերով, մանաւանդ՝ Հ.Բ.Ը.Մ-Հ.Ե.Ը.ի Պէյրութի «Անդրանիկ» աղջկանց պասքեթպոլի եւ Նիկոսիոյ «Արարատ» տղոց ֆութպոլի խումբերով, որոնք կրցած են բարձրանալ արհեստավարժ մակարդակի եւ նուաճել իրենց երկիրներու ախոյեանութիւնները, արժանանալով բազմաթիւ տիտղոսներու եւ մրցանակներու:

Հ.Բ.Ը.Մ.ի բոլոր մարզիկները ակնդէտ կը սպասեն Հ.Բ.Ը.Մ.ի Համաշխարհային Խաղերուն մասնակցելու առիթին. աւանդութիւն մը, որ սկիզբ առած է 1955ին: Տարիներու ընթացքին Հ.Բ.Ը.Մ.ի Համաշխարհային Խաղերը միութեան աշխարհատարած մասնաճիւղերուն կողմէ հիւրընկալուած են զանազան քաղաքներու մէջ, ներառեալ Ալպենա (Պուլկարիա), Պէյրութ, Պուէնոս Այրէս, Ժընեւ, Լոս Անճելոս, Մոնթէվիտէօ, Փարիզ եւ Սիտնի: Ամէն անգամ, հարիւրաւոր պատանիներ եւ երիտասարդներ կը հաւաքուին ոգեւորութեամբ վայելելու մարզական մրցումներով, ընկերային հաւաքոյթներով եւ տեսարժան վայրեր այցելութիւններով յագեցած շաբաթ մը:

Հ.Բ.Ը.Մ.ի մարմնամարզական ծրագիրներու մասին աւելի մանրամասն տեղեկանալու համար գրեցէք youth@agbu.org հասցէին:

Դիտեցէք Հ.Բ.Ը.Մ.ի մարմնամարզական ծրագիրներու մասին ներքեւի տեսաերիզը:

Հ.Բ.Ը.Մ.ի մարմնամարզական ծրագիրներ

 

Back to

Share

x