ՃԱՄԲԱՐՆԵՐ

Ամէն ամառ, հարիւրաւոր հայ պատանի-պատանուհիներ, կը համախմբուին Հ.Բ.Ը.Մ.ի տարբեր երկիրներու մէջ գտնուող 12 ցերեկային եւ գիշերօթիկ ճամբարներուն մէջ, ուր անոնք նոր հմտութիւններ ձեռք կը բերեն, երկարատեւ բարեկամութիւններ կը հաստատեն, գեղեցիկ բնութիւնը կը վայելելեն, եւ իրենց հայկական ժառանգութեան հետ կը հաղորդուին:

Հ.Բ.Ը.Մ.ի ճամբարները ապահովուած են ժամանակակից բոլոր տեսակի յարմարութիւններով: Փորձառու եւ հմուտ պատասխանատուներ` իւրաքանչիւր յաճախողի համար ապահով միջավայր, արդիւնաւէտ մասնակցութիւն եւ դրական փորձառութիւն կ’ապահովեն: Զանազան գործունէութիւններու միջոցով, ինչպէս ձեռային աշխատանք, ձկնորսութիւն, զբօսանք, ձիավարութիւն, երաժշտութիւն, լող, եւ բազմապիսի այլ զբաղումներ, ճամբարականները շարունակաբար զբաղ կը պահեն եւ հաճելի ժամանց կ’ապահովեն անոնց: Նաեւ, խօսելավարժութեան, երգի, պարի ու ձեռային յատուկ աշխատանքներու միջոցաւ, մասնակիցները կը ծանօթանան հայկական աւանդութիւններուն եւ մշակոյթին: Բանակումի մասնակցողներ կրկին ու կրկին կը վերադառնան ճամբար, շատերը` հետագային նոյնիսկ որպէս պատասխանատուներ:

Հ.Բ.Ը.Մ.ի առաջին ճամբարային սեփական համալիրի բացումը կատարուած է 1963ին, Նիւ Եորք նահանգի գեղատեսիլ Քեթսքիլ լեռներուն վրայ:

Անցնող տասնամեակներուն, բազմաթիւ պատանիներ ու երիտասարդներ յաճախած են Հ.Բ.Ը.Մ.ի տարբեր ճամբարներ, ներառեալ` Դիլիջանի Հ.Բ.Ը.Մ.ի ճամբարը, ուր իւրաքանչիւր ամառ Հ.Բ.Ը.Մ.ի սկաուտներու միջազգային հաւաք կը կազմակերպուի:

Հ.Բ.Ը.Մ.ի ճամբարներու մասին յաւելեալ տեղեկութեան եւ արձանագրութեան համար գրել youth@agbu.org հասցէին:

Կը հրաւիրենք ձեզ դիտելու Հ.Բ.Ը.Մ.ի ճամբարներու մասին հետեւեալ տեսաերիզը:

 

ԳԻՇԵՐՕԹԻԿ ՃԱՄԲԱՐՆԵՐ

Հ.Բ.Ը.Մ.ի «Անդրանիկ» Սկաուտական ճամբար, Դիլիջան, Հայաստան

Հայաստանի մէջ Հ.Բ.Ը.Մ.ի «Անդրանիկ» սկաուտական ճամբարը, ամէն տարի հարիւրաւոր սկաուտներ եւ արենուշներ կը հիւրընկալէ իր շրջապատէն ներս` Արժանթինէն, Հայաստանէն, Իրանէն, Իրաքէն, Լիբանանէն, Սուրիայէն, Ամերիկայի Միացեալ Նահանգներէն եւ Ուրուկուայէն: Այս ճամբարը լաւագոյն ժամադրավայրն է աշխարհի տարբեր անկիւններէն ժամանող սկաուտներու եւ երեւանեան սկաուտական խումբերու անդամներուն համար, որոնք ամէն տարի ակնդէտ կը սպասեն այս այցելութիւններուն: «Անդրանիկ» սկաուտական ճամբարի մասին յաւելեալ տեղեկութիւններու համար հաճեցէք գրել youth@agbu.org հասցէին:

Հայ Լեռ ճամբար, Փլովտիւ եւ Սոֆիա, Պուլկարիա

Հայ Լեռ ճամբարը Պուլկարիոյ մէջ գործող Հ.Բ.Ը.Մ.ի տարբեր մասնաճիւղերու համատեղ նախաձեռնութիւնն է: Ճամբարը կը համախմբէ Հասքովոյէն, Փլովտիւէն, Ռուսայէն, Սոֆիայէն եւ Եամպոլէն ժամանած 7-14 տարեկան պատանիներ, Պեալօ-Քամանէ հանգստեան համալիրի լեռնային գեղատեսիլ միջավայրին մէջ, անոնց առիթ տալով հետեւելու լողի, ձիավարութեան, արուեստի ու ձեռային աշխատանքի եւ հայկական ժողովրդական պարի դասերու:

Հայ Լեռ ճամբարի մասին յաւելեալ տեղեկութիւններու համար հաճեցէք գրել youth@agbu.org հասցէին:

Քոլոնի տը Վաքանս, Ֆրանսա

«Քոլոնի տը Վաքանս» ճամբարը կը գտնուի Ֆրանսայի հարաւ-արեւելեան գեղատեսիլ լեռնային շրջանին մէջ եւ կը հիւրընկալէ ընդհանրապէս Եւրոպայէն եւ այլ տարածաշրջաններէ ժամանող մանուկներ եւ պատանիներ, որոնք առիթը կ’ունենան վայելելու ֆութպոլի, վոլիպոլի, թենիսի եւ տեղական գիւղական կեանքի հաճոյքները: Անոնք յատկապէս կը խանդավառուին լեռնային գետակներու սահանքներն ի վար լաստանաւով սլանալու զգլխիչ արկածախնդրութեամբ:

«Քոլոնի տը Վաքանսի» մասին յաւելեալ տեղեկութիւններու համար հաճեցէք գրել youth@agbu.org հասցէին:

Քեսապ ճամբար, Քեսապ

Հ.Բ.Ը.Մ.ի Քեսապ ճամբարը, Սուրիոյ տարածքին վրայ գտնուող Հ.Բ.Ը.Մ.ի տարբեր խումբեր կը հիւրընկալէ ամէն տարի, ուր կազդուրման եւ մտերմացման առիթներ կը ստեղծուին այդ անդամներուն համար, իսկ սկաուտական խումբերու անդամներու համար` իրենց գիտելիքներն ու հմտութիւնները դրսեւորելու պատեհաութիւն:

Քեսապ ճամբարի մասին հաւելեալ տեղեկութիւններու համար, հաճեցէք գրել youth@agbu.org հասցէին:

«Նուպար» Ճամբար-Նիւ Եորք

1963էն ի վեր «Նուպար» ճամբարը Միութեան Հիւսիսային Ամերիկայի երիտասարդութեան համար գեղատեսիլ բնութեան մէջ, մշակուած ու բազմատեսակ զբաղմունքներու համատեղման ժամադրավայրն է: Այդտեղ ձեռային աշխատանքն ու ձիավարութիւնը, արուեստն ու նաւարկումը, լեռնային զբօսանքն ու այլ ամենօրեայ զբաղմունքներ` նկարչութիւն, կատարողկան արուեստներ, երաժշտութիւն, խօսելավարժութիւն, հայ մշակոյթի ու պատմութեան աշխատանքներ, հասանելի են բոլոր մասնակիցներուն: Նուպար ճամբարը կը գտնուի Նիւ Եորք նահանգի Քեթսքիլ լեռներուն վրայ` 150 հեքթար անտառածածկ տարածքով, որ կ’ընդգրկէ նաեւ լայնատարած լիճ մը:

Այցելեցէք «Նուպար» ճամբարի կայքը:

ՑԵՐԵԿԱՅԻՆ ՃԱՄԲԱՐՆԵՐ

«Քոլոնիա տէ Վաքասիոնէս» ցերեկային ճամբար, Պուէնոս Այրէս, Արժանթին

Հ.Բ.Ը.Մ.ի «Քոլոնիա տէ Վաքասիոնէս» ճամբարը 3-12 տարեկան հարիւրաւոր արժանթինահայ պատանիներու պատեհութիւն կ’ընձեռէ մասնակցելու երաժշտութեան դասերու, մարզական խաղերու եւ լողավարժութեան, տեղւոյն Հ.Բ.Ը.Մ.ի Ալեք Մանուկեան կեդրոնին մէջ: Կը կազմակերպուին նաեւ ամենամսեայ արշաւներ եւ բանակում-պտոյտներ:

Պուէնոս «Այրէսի Քոլոնիա տէ Վաքասիոնէս»ի մասին յաւելեալ տեղեկութիւններու համար հաճեցէք գրել youth@agbu.org հասցէին:

«Քոլոնիա տէ Վաքասիոնէս» Գորտոպա, Արժանթին

Ամէն տարի Հ.Բ.Ը.Մ.ի «Քոլոնիա տէ Վաքասիոնէս» ցերեկային ճամբարը կը համախմբէ Գորտոպայի հայ պատանիները, ձեռային աշխատանքի, մարզական խաղերու եւ Հ.Բ.Ը.Մ. Ալեք Մանուկեան կեդրոնի լողաւազանին մէջ լողի մասնակցելու պատեհութիւն ստեղծելով անոնց համար եւ զանոնք մշտապէս զբաղ ու գործօն պահելով օրուան ընթացքին:

«Քոլոնիա տէ Վաքասիոնէս» ցերեկային ճամբարի մասին յաւելեալ տեղեկութիւններու համար գրել youth@agbu.org հասցէին:

Երջանիկ Թաճիրեան Ամառնային վարժարան, Պաղտատ, Իրաք

Տեմիրճեան կեդրոն ցերեկային ճամբար, Անթիլիաս, Լիբանան

Հ.Բ.Ը.Մ.ի Տեմիրճեան կեդրոնի Ամառնային ճամբարը Լիբանանի առաջին հայկական ամառնային ճամբարն է, հիմնադրուած` 1997ին: Ամէն տարի ճամբարի համար կ’ընտրուի կեդրոնական նիւթ մը, որուն շուրջ կը զարգանան Յուլիս եւ Օգոստոս ամիսներու գործունէութիւնները: Ճամբարին կը մասնակցին Հ.Բ.Ը.Մ.ի Պօղոս Կարմիրեան եւ Լ. Նազարեան նախակրթարաններու ինչպէս նաեւ շրջանի այլ դպրոցներէ մեծ թիւով պատանիներ:

Տեմիրճեան կեդրոնի Ամառնային ճամբարի մասին յաւելեալ տեղեկութիւններու համար հաճեցէք գրել youth@agbu.org հասցէին:

        Հայ Ամառ Ամառնային դպրոց, Դամասկոս, Սուրիա

        Ցերեկային Ամառնային ճամբար. Քամիշլի, Սուրիա

        Ցերեկային-Ամառնային ճամբար, Փասատենա, ԱՄՆ

        2012էն սկսեալ, Հ.Բ.Ը.Մ.ի Փասատենայի Ամառնային-ցերեկային ճամբարին կը մասնակցին շրջանի մանուկներու եւ պատանիներու մեծ թիւ մը, ամենօրեայ հաճելի եւ օգտակար գործունէութիւններով:

        Հ.Բ.Ը.Մ.ի Փասատենայի Ամառնային ճամբարի մասին յաւելեալ տեղեկութիւններու համար հաճեցէք հեռաձայնել կեդրոնի գրասենեակը՝ (626) 794-7942 թիւին:

Back to

Share

x