Բացայայտէ Հայաստանը

2003էն սկսեալ ամէն ամառ Հ.Բ.Ը.Մ.ի «Բացայայտէ Հայաստանը» Ծրագիրը կը համախմբէ 15- 18 տարեկան սփիւռքահայ երիտասարդներ աշխարհի չորս կողմերէն, իրենց հայրենիքին մէջ անմոռանալի օրեր կազմակերպելով անոնց համար: Մասնակիցները կ՛ընդգրկուին ընկերային ծառայութեան զանազան ծրագիրներու մէջ, որոնք կը նպաստեն տեղական համայնքներու զարգացման: Մասնակցելով այս ծրագիրներուն անոնք նաեւ իրենց դպրոցական ծրագիրներու պահանջքներուն համաձայն կը ստանան համապատասխան համայնքային ծառայութեան վարկանիշ: Սիրայօժար կերպով կատարուած այս ծառայութիւնները կը ներառեն՝ կարիքաւոր ընտանիքներու համար տուներու կառուցում, որբանոցներու այցելութիւն եւ տաք ճաշի մատուցում Հ.Բ.Ը.Մ.ի տարեցներու ճաշասրահներուն մէջ:

Միաժամանակ, մասնակիցները առիթ կ՛ունենան այցելելու Հայաստանի տեսարժան վայրերը եւ վայելելու բնութեան գեղեցկութիւնը, ինչպէս նաեւ շաբաթավերջ մը անցընելու Արցախի մէջ:

Երեքշաբաթեայ այս փորձառութեամբ հարստացած՝ պատանիները տուն կը վերադառնան տպաւորութիւններով որոնք մաս կը դառնան իրենց կեանքին: Անոնք նաեւ կը մշակեն մտերիմ եւ երկարատեւ բարեկամութիւններ:

Այցելեցէ՛ք «Բացայայտէ՛ Հայաստանը» Ծրագրի կայքէջը:

Back to

Share

x